202

REGISTRES DU BUREAU

[i553]

CCCLXIII. — Mandemens aux seize Quarteniers touchant lad. eslection.

i4 août 1553. (B fol. 199 r°.)

De par les Prevost des Marchans et Eschevins de la Ville de Paris,

"Sire Guillaume Danès, Quartenier de lad. Ville, nonobstant le mandement à vous le jour d'huy envoyé pour le faict de l'eslection de deux Eschevins

nouveaulx, faictes ainsi que vous avez acoustumé, sans y rien changer.

" Faict au Bureau de lad. Ville, le xiii" jour d'Aoust

M V^e LIII. "

CCCLXIV et CCCLXV. — Assemblée pour l'eslection de deux Eschevins W. — [Pour l'office de Greffier de la Ville.]

16 et 22 août i553. (B fol. 199 v°.)

Du xvi⁸ jour d'Aoust mil v^c cinquante troys, du matin.

Cc jour d'huy, à six heures du matin, mess" les Prevost des Marchans et Eschevins de la Viile de Paris se sont trouvez au Bureau de lad. Ville, pour recepvoir des seize Quarteniers de lad. Ville les scrutins cles quatre personnes esleuz en chascun quartier, où se sont aussy trouvez mess" les Conseillers et Quarteniers d'icelle Ville. Et après que lesd. Quarteniers ont delivré ausd. s^rs Prevost des Marchans et Eschevins lesd, scrutins, a esté faicte ouverlure d'iceulx séparément et par ordre; et à chascune ouverture a esté faict par le Greffier de lad. Ville quatre billetz de papier contenant les noms des quatre personnes esleuz et lesquelz avoient eu la pluralité des voix et eslections faictes par lesd. Quarteniers, Cinquanteniers, Dixiniers et bourgeois selon le mandement à eulx envoyé, cy devant enregistré f'²'; lesquelz quatre billetz ont esté mis en ung chappeau, iceulx meslez el remuez, el led. chappeau cloz et fermé. Led s^r Prevost cles Marchans a commancé à tirer le premier dud. chappeau deux desd, billetz, les noms desquelz, qui sont demourez pour avoir deux voix en lad. eslection desd. Eschevins, ont esté mis par escript par led. Greffier en deux autres billetz dont il faict registre au roolle où sont descriptz mesd. s" Prevost des Marchans et Eschevins, Conseillers et Quarteniers'³' ; et sont lesd, deux noms desd, mandez demourez pour eslire, escriptz soubz les noms desd. Quarteniers selon leur ordre; et lesd, deux autres billetz demeurez au chappeau, rompuz et cassez.

Ce faict, est baillé à l'ung des Sergens de lad. Ville lesd, deux billetz desd, deux personnes demeurez pour eslire, pour aller semondre lesd, deux personnes de venir donner leurs voix à lad. eslection.

Ce faict en telle forme, a esté proceddé à l'ouverture des autres scrutins, les billetz mis aud. chappeau ainsi que dict est, que mesd. s^K les Conseillers ont tiré selon leur ordre, ainsi qu'ilz sont appellez par led. s^r Prevost des Marchans pour tirer lesd, billetz. Et après que tous les billetz desd, seize Quarteniers sont tirez et baillez aux Sergens de lad. Ville qui en sont chargez pour aller semondre lesd, esleuz tirez dud. chappeau, de venir donner, comme dict est, leur voix à lad. eslection, mesd. s^rs Prevost des Marchans et Eschevins et Greffier, vestuz de leurs robbes de livrées, accompagnés desd. Conseillers et Quarteniers de lad. Ville, sont partiz dud. Bureau et ont esle en l'eglise du Sainct Esprit en Greve, oyr la messe du Sainct Esprit devotement célébrée à lad. Eglise, auparavant que procedder à l'eslection generalle desd, deux Eschevins. La messe dicte, montent en la Grand Salle dud. Hostel de la Ville, où sont comparuz lesd. Conseillers, Quarteniers, bourgeois, mandez et esleuz pour eslire.

Survivance de l'office de Greffier. Et lad. Compagnie toute assemblée, et auparavant que procedder à l'eslection desd, deux Eschevins nouveaulx, m° Regnault Bachelier, Clerc et Greffier de lad. Ville, a presenté requeste à lad. Compagnye et Conseil assemblé; laquelle a esté leue à icelle Assemblée par m°Augustin<⁴⁾, advocat en Parlement,

") Cette rubrique, ainsi que les deux autres qui figurent en marge du Registre B, est d'une main plus moderne. (2) Voir ci-dessus art. CCCLXII.

(3> C'est le Registre coté, aux Archives Nationales, KK 1009; nous en avons donné la description et maints extraits à la fin de notre Volume I, pages 311 et suivantes. O Augustin de Thou.